Франция құрамасында түсініспеушілік туындады
Франция құрамасының бас бапкері Зинедин Зидан мен шабуылшы Килиан Мбаппе арасында алаңдағы орнына байланысты келіспеушілік туған. Француз баспасөзінің мәліметінше, жағдай қыркүйекте Түркияға қарсы өткен Ұлттар лигасының матчынан кейін ушыққан.
Сол кездесуде Зидан 4-3-3 жүйесін таңдап, Мбаппені шабуылдың сол қапталына орналастырды. Ал орталық шабуылшы міндетін Усман Дембеллеге тапсырды. Бұл шешім Мадридтің «Реалында» көбіне шабуылдың ортасында ойнайтын Мбаппеге ұнамаған.
Алайда бапкер мен ойыншы арасында ашық жанжал болған жоқ. Соған қарамастан, екеуінің арасындағы түсіністік әзірге қалпына келмеген. L’Équipe басылымының хабарлауынша, Зидан жағдайды реттеп, команда капитанымен қарым-қатынасын жақсартуға ниетті.
Бапкердің алғашқы қадамы да белгілі болды. Қараша айындағы ойындарға арналған құрамды жариялау кезінде Зидан Мбаппенің шабуылдың ортасында ойнайтынын айтты.
«Килиан бірнеше позицияда ойнай алады. Бұл жолы оған өзі қалаған орында – шабуылдың ортасында өнер көрсетуге мүмкіндік береміз. Бұған қатысты ешқандай мәселе жоқ», – деді Зидан.
Бұл шешімге Усман Дембелленің жарақатына байланысты қарашадағы матчтарға қатыспайтыны да әсер еткен.
Еске салайық, Франция құрамасы Ұлттар лигасының бірінші тобында төрт турдан кейін 10 ұпаймен көш бастап тұр. Команда 12 қарашада Миланда Италиямен, ал 15 қарашада Бордода Түркиямен кездеседі.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Қызылжар
Каспий
Ертіс
Атырау
Алтай
Жетісу
Қайсар
