Ермаштың Бразилиядағы оқиғасы: 20 минут картинасыз тікелей эфир жүргізіп, Ұлттық арнаны "құтқарды"
Хаби Алонсо шәкірттері соңғы 38 ойында жеңілген жоқ
Ливеркузеннің «Байері» Еуропа лигасында тағы бір камбэк жасап, жарыстың ширек финалына шықты. Әзірбайжанның «Карабах» командасымен кездескен немістер алғашқы ойында 2:2 есебімен тең түссе, өз алаңында 3:2 есебімен жеңді.
Матчтың бірінші таймында жанкүйерлер соғылған гол көрген жоқ, есесіне екінші тайм нағыз шоуға айналды. Алдымен 59-минутта қонақтар сапынан Абделла Зубир командасын алға шығарса, 62-минутта төреші «Карабах» ойыншысы Джафаргулиевті алаңнан қуды. Он ойыншымен қалған қонақтар сасқан жоқ, керісінше 67-минутта бразилиялық легионер Жуниньо гол соғып, есепті 0:2-ге жеткізді.
Хаби Алонсо шәкірттері тек осы кезде есін жиды. 72-минутта Жереми Фримпонг есептегі айырманы қысқартса, 90+3 минутта Патрик Шик есепті теңестірді және жеңісті алдын ала тойлауға кірісіп кеткен әзірбайжандық жанкүйерлердің үмітіне су септі. Мұнан кейін матч көруге келгендер овертаймға дайындала бастаған. Өйткені, алғашқы ойында да командалар 2:2 есебімен тарқасқан болатын. Алайда, «Байер» мұнымен тоқтамай, 90+7 минутта тағы бір гол соғып, неміс командасы келесі айналымға шықты, гол авторы – Патрик Шик.
Еске салайық, «Байер» «Карабахқа» қонаққа барған кезде де 0:2 есебімен жеңіліп тұрып камбэк жасаған. Ливеркузендік команда осылайша жеңіліссіз сериясының санын 38-ге жеткізіп отыр. Бұл – клубтың жеке рекорды.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
