Қазақстандық шабуылшы негізгі құрамда шыққан
Футболдан Түркия чемпионатының төртінші турында «Адана Демирспор» өз алаңында «Галатасарайды» қабылдап, 1:5 есебімен ойсырай жеңілді.
Қазақстандық шабуылшы Абат Айымбетов алаңға негізгі құрамда шығып, екінші таймда (51-минут) алмастырылды.
Матчтың 9-минутында қонақтар сапынан Керем Актюркоглу есеп ашқан. Арада тағы тоғыз минут өткенде «Адана Демирспор» ойыншысы Семих Гюлер автогол авторы атанды. «Галатасарай» мұнымен тоқтаған жоқ, 31-минутта Барыш Алпер Йылмаз үшінші голдың авторы атанса, 37-минутта Дрис Мертенс таблодағы есепті 4:0-ге жеткізді.
Екінші таймда стамбұлдық команда бесінші голын соқты, көзге түскен – Абдулкерим Бардакджи (60-минут). Ал, 66-минутта аданалық клуб ойыншысы Юсуф Сари пенальтиден гол соға алған жоқ. Есесіне, 79-минутта төреші «Галатасарай» қақпасына тағы бір пенальти белгілеп, Эндрю Гравильон қателеспеді. Қорытынды есеп – 1:5.
Айта кету керек, 90+1 минутта «Адана Демирспор» ойыншысы Толга Календер қызыл қағаз алып, алаңнан қуылды.
Кайрат
Актобе
Елимай
Ордабасы
Кайсар
Астана
Тобол
Атырау
Кызылжар
Жетысу
Туран
Женис
Шахтёр
-
