«Оңтүстік астанада» бүгін күн суық
Конференция лигасы аясындағы «Астана» мен «Челси» арасындағы ойынның билеттеріне қатысты тағы әңгіме тарады. Мұның алдында билетке таласқан жұрт енді сол билеттерді кері өткізе алмай әлек. Бұған матчтың басталуына бірнеше сағат қалса да, ticketon.kz сайтында әлі де сатылмаған билеттер санының көптігі дәлел. Одан қалды, әлеуметтік желілер мен OLX-те өз құнынан да төмен бағамен сатуға дайын адамдар саны да аз емес.
Мұның бірнеше себебі бар. Біріншіден, Алматыда күн өте суық. Бүгін оңтүстік астанада ауа температурасы -12 градусты көрсетіп тұр. Екіншіден, «Челси» жұлдызды ойыншыларын елде қалдырып, негізінен жастарын алып келген. Одан қалды, билет бағасы да арзан емес.
Ұйымдастырушылар билетті екі кезеңмен сатып, екіншісінде билет құнын өсірген болатын. Шамасы бұл да бос орындар санының көп болуына әсер еткен тәрізді.
Айта кетейік, «Челси» футболшылары Алматыға 11-інен 12 желтоқсанға қараған түні келді. Клуб өзінің әлеуметтік желідегі парақшасында ойыншылардың жаурағанын жасырған жоқ.
Кездесу Алматыдағы Орталық стадионда сағат 20:30-да басталады.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
