Черчесовтың түбіне «қазақ тілі» жетті ме? Жаңа бапкерге – жаңа талап. Қазақты мазақ қылғандар туралы
Футболшылар 20 млн теңгеге дейін жалақы сұрайды екен
Аралас жекпе-жек шебері әрі қазақ футболының басты хейтерлерінің бірі Қуат Хамитов тағы да отандық футболшыларды мазақ етіп пікір қалдырды.
Жуырда Афины Олимпиадасының чемпионы, қазіргі Қызылорда облыстық Спорт басқармасының басшысы Бақтияр Артаев сұхбаттарының бірінде футболшылардың жалақысына қатысты сын айтқан еді. Оның сөзінше, футболшылар 5 милионнан 20 миллион теңгеге дейінгі аралықта жалақы талап ететін көрінеді. Мұны естіген Қуат Хамитов сұхбат астына пікірін жазды.
«Қазақ футболшылары ерке қатындар сияқты, ондайлардан ешқандай нәтиже жоқ. Тек проблема тудырады», - деді файтер Instagram желісіндегі «kzsports» парақшасына.
Қазақстандық файтер отандық футболды сынап жүргеніне бірнеше жыл болды. Оның пікірінше, мемлекет футболды қаржыландыруды тоқтатып, тек балалар спортына ғана ақша бөлуі тиіс.
