Ол «Сабах» клубының сапында өнер көрсетіп жүр
Футболдан Қазақстан ұлттық құрамасының қақпашысы Стас Покатилов жақында Әзербайжан чемпионатына ауысқан болатын. Ол алғашқы ойынын сәтті өткізді.
Отандасымыз «Сабах» сапына ауысқан. Алғашқы матчын Әзербайжан кубогының ширек финалында «Сумгаитпен» өткізді. Бірінші ойын 0:0 есебімен аяқталды. Покатилов қақпасына гол жібермеді. Енді қарымта ойын 27 ақпанға жоспарланған.
Покатилов бұған дейін «Тобыл», «Ақтөбе», «Қайрат», «Шахтер», «Ақжайық» және Ресейдің «Ростов» клубында ойнаған. Ұлттық құраманың қазір бірінші нөмірлі қақпашысы.
