Бұған нәсілшілдік тұрғысындағы кемсіту себеп болған
Еуропа лигасының плей-офф кезеңіне шыққан 16 команданың бәрі анықталды. 20 ақпанда өткен қосымша матчтардың бірінде жанкүйерлер жаппай төбелес ұйымдастырып, төреші ойынды біраз уақытқа тоқтатуға мәжбүр болды.
Атап айтқанда, «Андерлехт» пен «Фенербахче» арасындағы қарымта матчтың 4-минутында стамбұлдық команда есеп ашқан. Осыдан соң трибунадағы «Андерлехт» жанкүйкерлері нигериялық легионер Осаи Самюэльдің нәсіліне қатысты балағат сөздер айтыпты.
Фанаттардың әрекеті бақылаудан шығып кеткен соң ойынның бас төрешісі футболшыларды алаңнан алып кетіп қалды. Арада бірнеше минут өткенде жағдай реттеліп, ойын жалғасты.
Матч 2:2 есебімен тең аяқталды. Десе де, бірінші ойында «Фенербахче» өз алаңында 3:0 есебімен жеңгендіктен, турнирдің 1/8 финалына жолдаманы да түрік командасы иеленді.
