Бұған дейін қала әкімі клубтың бюджетін біршама қысқартатынын мәлімдеген болатын
Шымкенттің «Ордабасы» командасы бұған дейін Нигериялық жартылай қорғаушы Салиман Кайодені қатарына қосқан еді. Енді бүгін хорватиялық Дарио Чанаджия да клубпен келісімшарт жасасты.
Бұл ақпаратты «Ордабасының» баспасөз қызметі жариялады.
«Хорватиялық жартылай қорғаушы Дарио Чанаджия "Ордабасы" клубымен келісімшартқа қол қойды. Келесі маусымда Дариоға клубымыздың сапында жаңа белестерді бағындыруды тілейміз», - делінген аталған ақпаратта.
Айта кетейік, Дарио Чанаджия футболдағы мансабын ең алғаш 2011 жылы Хорватияның «Славен Белупо» клубының сапында бастаған. 2014 жылы «Риека» командасына қосылып, 2016 жылы ел чемпионы атанды.
