Тәртіп бұзған азамат 10 тәулікке қамалды
Қазақстан премьер-лигасының 9-турындағы «Жеңіс» пен «Қызыл-Жар» (0:0) арасындағы матч аяқталғаннан кейін «Астана Арена» стадионының сыртында «Жеңіс» пен «Астана» жанкүйерлері арасында төбелес болды.
Астана қаласының әкімшілік құқық бұзушылықтар жөніндегі мамандандырылған межааралық сотының баспасөз қызметі бұл жөнінде былай хабарлады:
Сот стадион маңында төбелес ұйымдастырып, қоғамдық орында азаматтардың тыныштығы мен тәртібін бұзған азамат Д.-ға қатысты әкімшілік істі қарады. Оның әрекеті Қазақстан Республикасы ӘҚБтК-нің 434-бабы 1-бөлігіне сәйкес ұсақ бұзақылық ретінде сараланды.
Сот отырысында Д. кінәсін мойындап, өкінетінін білдірді және жанжалды маска киген адамдар — болжам бойынша футбол клубының фанаттары — арандатқанын түсіндірді.
Құқық бұзушылықтың мән-жайлары оқиға орнындағы бейнежазба арқылы расталды.
Аталған баптың санкциясында 20 айлық есептік көрсеткіш (АЕК) көлемінде айыппұл салу немесе 5 тәуліктен 15 тәулікке дейін әкімшілік қамауға алу жазасы көзделген.
Құқық бұзушылықтың сипаты, оның қоғамға теріс әсері және көрсетілген құрметсіздік ескеріле отырып, сот азамат Д.-ға 10 тәулік әкімшілік қамау түріндегі жаза тағайындады.
Желідегі жанкүйерлердің жазбасына сүйенсек, «Астана» клубы шымкенттік жанкүйерлерден, «Жеңіс» ақтөбелік фанаттардан көмек сұраған.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
