Енді Шотландияның «Селтик» клубымен ойнайды
Алматының «Қайрат» клубы UEFA Чемпиондар лигасы үшінші іріктеу кезеңінде Словакияның «Слован» командасынан айласын асырды.
Бір апта бұрын екі ұжым Алматыда кездескен. Сол кезде 1:0 есебімен «Қайрат» жеңіске жеткен. Бұл жолы Братиславада «Слован» негізі уақытта дәл осындай нәтижемен басым түсті. Сосын қосымша экстра-траймда болды. Бұл 30 минутта екі ұжым бірін-бірі ала алмады. Осылайша аталған жұптың тағдыры пенальти сериясында шешілді. Футбол лотериясында «Қайраттың» жолы болып, 4:3 есебімен жеңісті жұлып алды.
Енді Рафаэль Уразбахтин шәкірттері іріктеу кезеңінің плей-офф бәсекесінде Шотландияның «Селтик» клубымен ойнайды. Алғашқы матч сырт алаңда өтеді. Бұл ойын 19 тамызға жоспарланған.
Айта кетейік, «Қайрат» өз тарихында алғаш рет УЕФА Чемпиондар лигасы іріктеу кезеңінің плей-офф бәсекесіне шығып отыр.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
