Джонстонға толық қалпына келу үшін шамамен үш ай қажет
«Селтик» Чемпиондар лигасының плей-офф кезеңінде алматылық «Қайратқа» қарсы қарымта ойын алдында маңызды ойыншысынан айырылды.
The Scottish Sun дерегінше, команданың бас бапкері Брендан Роджерс қорғаныстағы басты тіректің бірі Алистер Джонстонның жарақат алғанын растады.
Оң қапталда өнер көрсететін каналық қорғаушы алғашқы кездесуде сіңір жарақатын алып, ойынды жалғастыра алмаған, ол алаңнан дәрігерлердің көмегімен кетті.
Дәрігерлер қорытындысына сәйкес, Джонстонға толық қалпына келу үшін шамамен үш ай қажет. Осыған байланысты ол Алматыдағы шешуші ойыннан ғана емес, «Рейнджерспен» өтетін басты дербиден де тыс қалады.
Айта кетейік, «Қайрат» – «Селтик» арасындағы қарымта матч 26 тамызда Алматыдағы «Орталық» стадионда өтеді. Жеңімпаз клуб Чемпиондар лигасының топтық кезеңіне өтеді, ал жеңілгені Еуропа лигасында өнер көрсетеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
