Дастансыз ойнау оңай болмайды.
Сеул Олимпиадасының жеңімпазы, «Қайраттың» бұрынғы қорғаушысы Евгений Яровенко Чемпиондар лигасының плей-офф кезеңіндегі «Қайрат» пен Шотландияның «Селтик» клубы арасындағы қарымта кездесуге қатысты өз ойын бөлісті.
«Шотландиядағы алғашқы матч біздің кез келген қарсыласқа қарсы ойнай алатынымызды көрсетті. Қажетті, қанағаттанарлық нәтижеге қол жеткіздік. Енді бәрі футболшыларға байланысты - олардың мінезіне, ой-санасына және аяғына. Мақсатқа жетіп, Алматыда Чемпиондар лигасының әнұранын естиміз деп ойлаймын.Тактикалық тұрғыдан алғанда, Дастансыз ойнау оңай болмайды. Ол - негізгі фигура. Бірақ жігіттердің барлығы матчтың жауапкершілігін жақсы түсінеді. Қорғаныста сауатты ойнап, кез келген мүмкіндікті міндетті түрде пайдалануы керек. Мұндай ойындарда кез келген гол шешуші мәнге ие.Қақпашылар мәселесіне келсек: Заруцкийдің жарақаты - үлкен проблема. «Қайратқа» жаңа қақпашы іздеу қажет, себебі жас жігіттер бұл деңгейге дайын емес, тіпті Еуропа лигасының өзінде де қиынға соғады», - деді Евгений Яровенко.
Еске сала кетсек, 21 тамызға қараған түні Глазгода Чемпиондар лигасының плей-офф кезеңінің алғашқы ойыны өтті. «Селтик Паркте» өткен матч 0:0 есебімен тең аяқталды. Қарымта кездесу 26 тамыз күні Алматыдағы Орталық стадионда өтеді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
