Осылайша, соңғы бір айдың ішінде Қазақстан футболы үш жас талантынан айырылды
Қазақстан футболында соңғы бір айда қатарынан үш жас футболшы жарық дүниемен қош айтысты.
23 қыркүйекте Павлодар – Астана бағытындағы жолда болған жол апатында «Жеңіс» клубының 19 жастағы ойыншысы Виктория Кайсаринова қаза тапты. Тергеу дерегінше, көлік жүргізушісі қауіпсіздік ережелерін сақтамаған және арақашықтықты дұрыс есептемеген. Соның салдарынан автокөлік жүк көлігімен соқтығысқан.
12 қазанда «Ақтөбе» футбол клубының жасөспірімдер құрамасы (U-16) ойыншысы Арон Муса өмірден өтті. Қайғылы жағдайда оның әжесі мен немере ағасы да көз жұмған. Алдын ала мәлімет бойынша, олардың өліміне улану (көмірқышқыл газынан улану) себеп болған.
16 қазанда «Хан-Тәңірі» клубының 19 жастағы шабуылшысы Диас Төлеу бірінші лигадағы «Екібастұзға» қарсы ойында (4:0) есінен танып, алаңда жан тәсілім етті.
Осылайша, соңғы бір айдың ішінде Қазақстан футболы үш жас талантынан айырылды. Спорт қауымдастығы ойыншылардың жақындарына көңіл айтып, олардың жарқын есімдерін құрметпен еске алуда.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
