. Тамаша рефлекстерге ие, қарсыластың соққыларына бұрыш бермей шебер қорғанады
Түркиялық футбол комментаторы әрі скаут Селим Пайялан алматылық «Қайрат» командасының қақпашысы Темірлан Анарбековтың ойынын жоғары бағалады.
Анарбеков Кипрдің «Пафос» клубына қарсы өткен Чемпиондар лигасының жалпы кезеңіндегі кездесуде қақпасын мықты қорғап, ойын 0:0 есебімен аяқталды. Бұл нәтижемен «Қайрат» өз тарихында алғаш рет турнирдің негізгі кезеңінде ұпай жинады.
«Темірлан Анарбеков – «Қайрат» клубының қақпашысы. Түркі әлемінен шыққан 22 жастағы дарынды ойыншы. Бүгін алғаш рет оның ойынын «Қайрат» пен «Пафос» матчында комментатор ретінде көрдім. Тамаша рефлекстерге ие, қарсыластың соққыларына бұрыш бермей шебер қорғанады. Ең бастысы — ол әлі де дамуға қабілетті», – деп жазды Селим Пайялан әлеуметтік желіде.
Айта кетейік, Темірлан Анарбеков соңғы маусымдарда тұрақты түрде негізгі құрамда ойнап жүр және ел футболының ең үздік жас қақпашыларының бірі саналады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
