Матч тағдыры овертаймда шешілді.
Астананың «Барыс» клубы Құрлықтық хоккей лигасының тұрақты чемпионатында Шанхайдың «Айдаһарларына» жол берді.
Елордадағы кездесу тартысты өтіп, 3:4 есебімен қонақтардың пайдасына аяқталды. Ойынның басында есепті қонақтар ашқанымен, «Барыс» көп ұзамай таразы басын теңестіріп, кейін тіпті 3:1 есебімен алға шықты. Алайда үшінші кезеңде қонақтар екі мәрте дәл соққы жасап, матч овертаймға жалғасты. Ал қосымша уақытта шанхайлық хоккейшілердің жолы болды.
Астаналықтар сапынан Әлихан Әсетов (14-минут), Райли Уолш (17) және Мэйсон Морелли (18) мергендігімен көзге түссе, қонақтар құрамында Борна Рендулич (4), Спенсер Фу (47) және Павел Акользин (56) шайба соқты. Овертаймдағы жеңіс голының авторы – Трой Джозефс.
Осы нәтижеден кейін «Айдаһарлар» 51 ұпаймен Батыс конференциясында тоғызыншы орынға көтерілді. Ал 46 ұпайы бар «Барыс» Шығыс конференциясында оныншы сатыда тұр.
Елорда ұжымы 22 ақпанда өз айдынында «Северстальді» қабылдайды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
