Бұл туралы Дүниежүзілік допингке қарсы агенттік мәлім етті
«Торпедо» және Қазақстан құрамасының шабуылшысы Алексей Зубов үш жыл мерзімге 2027 жылдың 10 желтоқсанына дейін шеттетілді.
Оқиғаға қатысты Дүниежүзілік допингке қарсы агенттік (WADA) шешім шығарды. Ал хоккейші өз ағзасына анаболикалық стероидтің қалай түскенін білмейтінін мәлімдеді.
Еске сала кетейік, Азия чемпионатында алынған допинг-сынамасында тыйым салынған препараттың іздері табылған. Алексей Зубовтың талдауларынан оралтуринабол анықталды. Бұл метандростенолонға ұқсас әсер ететін химиялық құрылымы бар анаболикалық стероид.
27 жастағы шабуылшы биылғы маусымда Қазақстан чемпионатының біріншілігінде 22 матч өткізіп, 18 (3+15) ұпай жинады.
Мұндай жағдай Қазақстан хоккейінің тарихындағы екінші рет болып отыр. Еске сала кетейік, 2013 жылы Қазақстан құрамасының шабуылшысы Илья Соларев сальбутамол құрамында бар препаратты қолданғаны үшін екі жылға шеттетілген болатын.
