Марк-Андре тер Штеген бүгінде жарақатына байланысты ем алып жатыр
«Барселона» клубы мен Германия құрамасының қақпашысы Марк-Андре тер Штеген бүгінде жарақатын емдеп жатыр. Танымал голкипердің жеке өмірінде де мәселе бар екен. Спортшы жұбайы Даниэламен ажырасып жатқанын мәлімдеді.
Жұп осыдан 8 жыл бұрын үйленген. Екі бала өсіріп отыр, кішкентайы бір жастан енді асты. Қақпашы бұл хабарды әлеуметтік желіде өзі хабарлап, мән-жайды айтудан бас тартты.
«Бәріне сәлем! Бәрін таразылай отырып Дани екеуміз екі жаққа кету туралы шешім қабылдадық. Бұл шешім бізге оңай болған жоқ. Бірақ бұл қадам екеуміз үшін де дұрыс болады деп ойлаймын.
Бар мақсатымыз – балаларымызға махаббатымызды сыйлап, олардың еш уайымсыз өмір сүруіне жағдай жасау. Ата-ана ретінде әрі қарай да бірлесіп жұмыс істеп, бір-бірімізге әдеттегідей үлкен құрметпен, алғыспен қараймыз.
Бұл жайтқа қатысты құпияларға сіздер де түсіністік танытасыздар деп ойлаймын. Рахмет. Құрметпен, Марк», - деп жазды ол.
