Марсель Нұрланбекұлымен қолғаптағы бокс ережесі бойынша кездесті
Қазақстандық файтер Еркебұлан Тоқтар Армения астанасы Ереванда өткен Hype FC 28 турнирінде өнер көрсетті.
Жеңіл салмақта өткен жекпе-жекте Еркебұлан қырғызстандық Марсель Нұрланбекұлымен қолғаптағы бокс ережесі бойынша кездесті. Тартысты өткен айқас қорытындысында төрешілер жеңісті бірауыздан қырғыз спортшысына берді.
Қазіргі таңда Еркебұлан Тоқтардың аралас жекпе-жектегі кәсіби рекорды 11 жеңіс, 3 жеңіліс болып тұр. Оның ММА ережесі бойынша соңғы жекпе-жегі өткен жылдың тамыз айында өтіп, сол кездесуде ирандық Фарзад Гадериді екінші раундта нокаутпен жеңген еді.
Ал Марсель Нұрланбекұлы ММА-да әзірге жеңілістің дәмін татпаған файтер саналады. Оның рекорды – 14 жеңіс, 0 жеңіліс. Қырғызстандық спортшы соңғы кездесуін 2024 жылдың тамызында өткізіп, өзбекстандық Фарход Эргишбаевты нокаутпен жеңген болатын.
Айта кетейік, Еркебұлан Тоқтардың соңғы жекпе-жегі 28 желтоқсанда Ташкентте өткен. Ол кезде қазақстандық файтер жергілікті спортшы Тимур Никулинді бірінші раундта нокаутпен ұтқан. Бұл кездесу де бокс ережесі бойынша ұйымдастырылған еді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
