![Шавкат Рахмонов чемпиондық титулға қашан таласатынын айтты](https://1bol.kz/cache/imagine/1200/uploads/news/2024/02/23/65d820dbc27e6359601993.jpg)
Ол қазір аталған титулға басты үміткерлердің бірі
UFC лигасында өнер көрсетіп жүрген қазақ файтері Шавкат Рахмонов (18-0) Руслан Шаекиннің YouTube-каналында қонақта болып, октагонға қашан оралатынын және болашақ қарсыластары туралы айтты.
Айта кетейік, қазір Шавкаттың салмағында әлем чемпионы атағы британдық Леон Эдвардсқа тиесілі. Ал, рейтингте бірінші орында – Камару Усман, екінші орында Колби Ковингтон тұр.
«Мен қазір демалып жатырмын, өз шаруаларымды бітіріп алайын. Келесі жекпе-жектің нақты қашан болатынын да білмеймін, әзірге белгісіз. БАҚ-та әр нәрсені жаза береді. Иә, Камару Усманмен жекпе-жекке шығуым мүмкін. Чемпиондық титулға да төбелесуім мүмкін. Әлі нақтысын ешкім білмейді. Қазір мен өз салмағымда UFC титулына басты үміткерлердің бірімін», - деді Рахмонов.