ҚПЛ 20-тур: Ордабасы көшбасшы болды. Ақтөбе қазақ бапкерлерге неге сенбейді? Қайрат ЛЧ-ге дайын
Конор Макгрегор UFC-ден кейін жалаң жұдырық жекпе-жегіне ауыспақ
UFC-дің екі салмақтағы бұрынғы чемпионы Конор Макгрегор ұйыммен келісімшарты аяқталғаннан кейін BKFC лигасында өнер көрсетуге ниетті екенін мәлімдеді.
38 жастағы ирландиялық спортшы қазір жалаң жұдырық жекпе-жектерін ұйымдастыратын Bare Knuckle Fighting Championship промоушенінің ортақ иелерінің бірі саналады. Макгрегор алдағы уақытта ұйымның рингіне өзі де шығуды жоспарлап отыр.
«BKFC қазір тоқтаусыз дамып келеді. Нағыз жекпе-жекке Алла жар болсын. Мұны өзім де тағатсыздана күтіп жүрмін. Тағы бір кездесу қалды, содан кейін еркін боламын», — деді Макгрегор.
Оның UFC-пен келісімшарты бойынша тағы бір жекпе-жек өткізуі керек. Осы міндеттемесін орындағаннан кейін Макгрегор еркін агент атанып, BKFC сапында жұдырықтасуға мүмкіндік алады.
Ирландиялық файтердің UFC 329 турниріндегі Макс Холлоуэйге қарсы оралу жекпе-жегі сәтсіз аяқталған еді. Макгрегор кездесудің басында тізесінен ауыр жарақат алып, айқасты жалғастыра алмады.
Соған қарамастан, файтер мансабын аяқтау туралы ойламайтынын аңғартып отыр. Оның BKFC-дегі ықтимал дебюті жалаң жұдырық жекпе-жектері тарихындағы ең ірі оқиғалардың біріне айналуы мүмкін.
Ордабасы
Қайрат
Астана
Оқжетпес
Ақтөбе
Елімай
Жеңіс
Тобыл
Ұлытау
Каспий
Қызылжар
Атырау
Жетісу
Ертіс
Қайсар
Алтай
