Майк Мэллот үздік сегіздікке көтерілді
Канадалық жартылай орта салмақтағы файтер Майк Мэллот америкалық Хоакин Баклиді нокаутпен жеңгеннен кейін UFC рейтингіндегі орнын жақсартты. Ал қазақстандық Шавкат Рахмонов үздік 15 спортшының қатарына әлі оралған жоқ.
Мэллот рейтингте үш сатыға көтеріліп, сегізінші орынға жайғасты. Ал Бакли төрт сатыға төмендеп, 12-орынға түсті. Бұған дейін 12-сатыда тұрған Камару Усман бір орын жоғарылап, 11-орынға көтерілді. Мэллот пен Бакли арасындағы жекпе-жек 17 қазанда өтті. Канадалық файтер қарсыласын екінші раундта нокаутқа түсіріп, жеңіске жетті.
UFC-дің жартылай орта салмақтағы рейтингінде чемпион – Ислам Махачев. Үздік бестікті Карлос Пратес, Иэн Мачадо Гэрри, Майкл Моралес, Джек Делла Маддалена және Шон Брэди түйіндейді.
Жартылай орта салмақтағы үздік ондық:
Карлос Пратес
Иэн Мачадо Гэрри
Майкл Моралес
Джек Делла Маддалена
Шон Брэди
Габриэл Бонфим
Белал Мухаммад
Майк Мэллот
Урош Медич
Леон Эдвардс
Қазақстандық Шавкат Рахмоновтың есімі рейтингтің үздік 15 файтері қатарында жоқ. Ол ұзақ уақыт бойы октагонға шықпағаны және тізесіне қайта ота жасалғаны себепті ақпан айында рейтингтен шығарылған.
Рахмонов соңғы жекпе-жегін 2024 жылғы желтоқсанда UFC 310 турнирінде өткізіп, Иэн Мачадо Гэрриді төрешілердің бірауыздан шығарған шешімімен жеңген еді.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Каспий
Жеңіс
Қызылжар
Атырау
Ертіс
Жетісу
Алтай
Қайсар
