Шавкат Рахмоновты жекпе-жекке шақырған файтер ауыр жарақат алып қалды

13.03.2024, 14:28

Енді екеуінің арасында жекпе-жек мәселесі кейінге қалады

Шавкат Рахмоновты жекпе-жекке шақырған файтер ауыр жарақат алып қалды
UFC Russia

Аралас жекпе-жектен аустралиялық файтер Джек Делла Маддалена (17-2) қол сүйегін сындырып алды. Соңғы жекпе-жекте бразилиялық Гилберт Бернспен (22-7) октагонға шыққан ол ауыр жарақат алғанын енді ғана білген.

Аталған жекпе-жек Майамидегі UFC 299 турнирі аясында болған еді. Маддалена қарсыласын екінші раундта мерзімінен бұрын жеңді. Алайда, осы төбелес кезінде ол қолын сындырып алған екен. Сүйегінің рентген фотосуретін спортшы әлеуметтік желіге жүктеді.

Еске салайық, аталған жеңісінен кейін Маддалена Шавкат Рахмоновты (18-0) жекпе-жекке шақырған болатын. Қазақ файтері оған көп күттірмей жауап қатып, оның еш мүмкіндігі жоқ екенін ашып айтты.

×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! Қонақта Марат Достаев пен Алдияр Жапарханов