Бұл туралы ММА лигасының президенті Камил Гаджиев айтты
AMC Fight Nights ММА лигасының президенті Камил Гаджиев қазақстандық Шавкат Рахмонов пен ресейлік Ислам Махачев арасында UFC титулы үшін өтуі мүмкін кездесу туралы пікір білдірді.
«Шавкат UFC тарихында чемпион атанған тұңғыш қазақстандық атануы мүмкін. Меніңше, солай болады да. Гэрримен жекпе-жек қиын болды, себебі Гэрридің соққылары ауыр. UFC чемпионын құрметтемейді деп ойламаңыздар, бірақ мен үшін Белал Мухаммад не әрі, не бері емес. Мықты күресе де алмайды, соққы да жасай алмайды. Жігіттерден оның күресі нашар деп естігенмін, мығым соққы да көріп жүрген жоқпын. Сондықтан Шавкат жеңеді деп ойлаймын. Сонан соң Шавкат Рахмонов — Ислам Махачев кездесуі өтетін секілді. Есесіне осы айқас тартысты болады. Меніңше, бұл кездесу Әбу-Дабиде өтуі мүмкін.
Исламға 77 келі не керек деуіңіз мүмкін. Бірақ мен оны түсінемін. Ол 70 келіні қайтеді? Егер Топурия Волкановскиді ұтса, онда Дана Уайт Исламды ұстап қалуға тырысады. Ол: «Ислам, міне, саған қыруар ақша, тағы бір рет Топуриямен төбелесші» дейді. Исламның өзі де бұл жерде тек қаржылық тұрғыда қызығушылық барын айтты. Иә, мұнда ешқандай тарих жоқ. Белбеуді қашанғы қорғай беруге болады? Ал басқа салмаққа ауысып, екі чемпиондықты иеленуге тырысу – бұл енді бөлек әңгіме. Әрине, Шавкат пен Белал бұған келісе қоймас. Мен бұл туралы көптен бері айтып жүрмін. Сондықтан Исламның ойы осындай екеніне қуаныштымын», - деді Гаджиев өзінің YouTube-арнасында.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
