Ол құжаты мен ақшасын жоғалтып алған
Қазақстандық ММА шебері әрі UFC аясындағы реалити-шоу қатысушысы Әлиби Ыдырыс «Naiza TV» YouTube арнасына берген сұхбатында АҚШ-қа сапарында құжаты мен ақшасынан қалай айырылып қалғанын еске алды.
— Бұл өзі қызық оқиға. Біз Майамиге ұшып келдік. Өзіммен бірге сөмкемді алдым, оның ішінде паспорт, Kaspi-карта және пәтерге төлейтін 3 мың долларым болған. Жаттығуға арналған киім алуға бардық. Үлкен дүкен екен. Киім ауыстыратын бөлмені кілтпен ашып, тез жабады. Адам көп, бәрі киім ауыстырып жатыр. Жейде тауып алып, қалай тұрғанын көру үшін 50 метр жердегі айнаға қарай бардым. Қайтар жолда Жако (Жалғас Жұмағұлов): «Балмұздақ жейік, біз сол жерде отыра тұрамыз» деді. Келіп жейдемді киіп жатсам, сөмкем жоқ. Еш жерде жоқ. Жакоға хабарластым. Ол алмағанын айтты. Бейнебақылау камераларынан екі қара жігіттің сол жерге кіріп, бәрін ұрлап кеткенін көрдік. Паспортты қайта алу үшін Вашингтондағы елшілікке пошта арқылы өтініш жаздым. Құжатымды жоғалтып алғанымды растайтын қағаз берді. Міне, солай болған. Ақшамның бәрі кетті. Қайта Жако отбасымен еді, он күн солардың үйінде тұрдым. Үлкен ағаларымыз да көмек көрсетті, — деді файтер.
Аса жеңіл салмақтағы Naiza-ның экс-чемпионы (10-0) АҚШ визасын алып, TUF-тің 33-маусымына қатысуға дайындалу үшін мұхит асады.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
