Үш дүркін Олимпиада чемпионы Бувайсар Сайтиевтің рухына арналды.
АСА президенті Магомед Бибулатовтың айтуынша, Шешен Республикасының басшысы Рамзан Қадыров АСА 189 турнирінде шешен спортшыларының өнеріне көңілі толмаған.
Бұл турнир 11 шілде күні Грозный қаласында өтті. Кештің басты жекпе-жегінде жеңіл салмақтағы чемпион Абдул-Азиз Абдулвахабов атағын төртінші мәрте қорғап, екінші раундта Али Баговты нокаутқа түсірді.
«АСА 189 турнирінде біз арнайы шешен спортшыларын басты кардқа қойдық. Өз міндетімді орындадым: аренаны ұйымдастырдым, қарсыластарын таптым, бәрімен келісімге келдім.Жекпе-жектер қызықты өтті, бірақ басты кард күткендей болмады. Бұл менің ғана ойым емес, бұл – Шешен Республикасының басшысы Рамзан Қадыровтың пікірі. Ол спортшылардың өнеріне көңілі толмады. Республика басшысы олардың жағдайы үшін бәрін жасап отыр. Сондықтан спортшылар барын салып күресуі керек еді», – деді Бибулатов MMA.Metaratings.ru порталына берген сұхбатында.
АСА-ММА порталындағы мәліметке сәйкес, аралас жекпе-жектен өткен АСА 189 турнирі осы жылдың наурыз айының басында қайтыс болған үш дүркін Олимпиада чемпионы Бувайсар Сайтиевтің рухына арналды.
Турнир жеңімпаздары 5 мыңнан (6 млн теңге) 100 мың АҚШ долларына дейін (52 млн теңге) сыйақы алды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
