Ержан Еренғайыпов IJF рейтингінен шығарылған
Қазақстан құрамасының дзюдошысы Ержан Еренғайыпов (-66 кг) допинг дауына байланысты халықаралық жарыстардан уақытша шеттетілді.
Ақпаратқа сәйкес, спортшының аты-жөні Халықаралық дзюдо федерациясының (IJF) ресми рейтингтік тізімінен алынып тасталған. Дәл осы жайт спортшыға қатысты санкция қолданылғанын аңғартады. Алайда әзірге дисквалификация мерзімі мен нақты негізі ресми түрде жарияланбаған.
Дереккөз мәліметінше, 33 жастағы Еренғайыпов ұлттық құраманың сапына өткен маусымда күтпеген жерден қайта қосылған. 2025 жылы халықаралық турнирлердің басым бөлігінде жеңіліс тапқанымен, ол Ислам ынтымақтастық ойындарында күміс жүлдеге қол жеткізген.
Сондай-ақ дзюдошының қоржынында 2023 жылғы Азия кубогының ашық турниріндегі жеңіс те бар.
IJF-тің әлемдік рейтингінде (WRL) 2026 жылғы қаңтар айындағы мәлімет бойынша Ержан Еренғайыпов -66 кг салмақ дәрежесінде 102-орында тұрған. Енді оның соңғы нәтижелері антидопинг комиссиясының қорытынды шешіміне байланысты жарамсыз деп танылуы мүмкін.
Қазіргі таңда аталған жағдайға қатысты Қазақстан дзюдо федерациясы ресми түсініктеме берген жоқ. Сарапшылар бұл оқиға ұлттық құраманың халықаралық аренадағы бедел көрсеткішіне кері әсер етуі мүмкін екенін айтады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
