ҚПЛ 20-тур: Ордабасы көшбасшы болды. Ақтөбе қазақ бапкерлерге неге сенбейді? Қайрат ЛЧ-ге дайын
Отандасымыз төрт кездесуді тең аяқтап, екі рет жеңіліс тапты
Қазақстандық шахматшы Бибісара Асаубаева Үндістанның Бенгалуру қаласында өтіп жатқан Tech Mahindra Global Chess League командалық турниріндегі алғашқы алты партиясында жеңіске жете алмады.
FYERS American Gambits командасының намысын қорғайтын отандасымыз төрт кездесуді тең аяқтап, екі рет жеңіліс тапты.
Асаубаева жарысты Екатерина Лагно және Чжу Цзиньэрмен болған тең нәтижелерден бастады. Кейін Полина Шуваловаға есе жіберіп, Дивья Дешмухпен ұпай бөлісті.
Қазақстандық гроссмейстер 8 қыркүйекте тағы екі партия өткізді. Алдымен үндістандық Харика Дронаваллимен тең ойнаса, кешкі кездесуде Екатерина Лагноға жол берді. Осылайша, Асаубаева алты партиядан төрт ұпай жинады.
Жеке жеңіске қол жеткізе алмағанына қарамастан, Бибісараның командасы турнир кестесінің жоғарғы бөлігінде тұр. Алты матч өткізген FYERS American Gambits үш рет жеңіп, үш рет жеңіліп, тоғыз командалық ұпай жинады. Қосымша көрсеткіш бойынша команда бірінші орында келеді. Алайда тоғыз ұпайы бар бірнеше қарсыласының бір матчтан кем өткізгенін ескеру қажет.
Tech Mahindra Global Chess League – ерлер мен әйелдер аралас құрамда өнер көрсететін командалық рапид жарысы. Турнирдің жалпы жүлде қоры бір миллион долларды құрайды. Бәсеке 13 қыркүйекте аяқталады.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Жеңіс
Каспий
Қызылжар
Атырау
Жетісу
Ертіс
Қайсар
Алтай
