Жаңа Подкаст! Қонақта Марат Достаев пен Алдияр Жапарханов

Қазақ дзюдошылары Аустриядағы Гран Приде тағы жаппай жеңіліп қалды

11.03.2024, 11:27

Қазақстан қоржынында бірде-бір медаль жоқ

Қазақ дзюдошылары Аустриядағы Гран Приде тағы жаппай жеңіліп қалды
IJF

Аустрияның Лицн қаласында аяқталған Гран При турнирінің соңғы жарыс күнінде татамиге шыққан Қазақстан дзюдошылары тағы да жүлдесіз қалды.

90 келіде күрескен Аян Байғазы алғашқы айналымда франциялық Лорис Тассиерден ұтылса, Айдар Арапов ағылшын дзюдошысына есе жіберді.

-100 келіде Ислам Бозбаев жарысты бірінші айналымнан аяқтады. Ол Португалия өкілі Жорге Фонсекадан айласын асыра алмады. Бұл салмақта күрескен тағы бір отандасымыз Әділет Сапарғалиев Марко Кумричті ұтқанымен, екінші белдесуінде Аустрия балуанынан өте алмады.

+100 келіде Ерасыл Қажыбаев жарыстың бірінші айналымнан аяқтаса, Ғалымжан Қырықбаев жеңіспен бастады. Алайда, екінші белдесуде Токио олимпиадасының күміс жүлдегері Гурам Тушишвилиден ұтылды.

Әйелдер арасында -78 келіде Лаура Жәнібекова бірінші кездесуін марокколық Хавса Ятимге қарсы өткізіп, жеңілді. Ал +78 келіде Аида Тойшыбекова мен Карина Такиева бірінші белдесуден кейін жарысты аяқтауға мәжбүр болды.

Айта кететін жайт, Линцте өткен турнирде қазақ дзюдошылары мүлдем жүлдесіз қалды. Олардың арасында тек 60 келіде Қанат Сейілхан қола жүлде үшін күресіп, жарысты бесінші орынмен аяқтады. Ал қалған спортшылардың барлығы іріктеу кезеңдерінен аса алмады.

Материалда:

×
Жаңалықтар Футбол Хоккей Бокс MMA Теннис Баскетбол Ұлттық спорт