Бұл додаға Еуропа елдерінің спортшылары қатыспады
Канадада шорт-тректен өткен төрт құрлық чемпионатына қатысқан еліміздің әйелдер құрамасы қола жүлде иегері атанды.
Лаваль қаласында жалауы желбіреген айтулы жарыста 3 мың метрлік эстафета аталымында отандастарымыз 4:16.200 нәтижесін көрсетіп, үшінші орынға ие болып отыр. Ұлттық құрама сапында Мәлика Ермек, Алина Әжіғалиева, Мәдина Жанбосынова, Ольга Тихонова және Яна Хан өнер көрсетті.
Аталған сында Канада спортшылары үздік деп танылса, екінші орын Оңтүстік Корея спортшыларының еншісіне жазылды.
Айта кететін бір жайт, бұл додаға Еуропа елдерінің спортшылары қатыспады.
Солтүстік Америка құрлығында өткен қысқы спорт додасында Аргентина, Аустралия, Канада, Қытай, Жапония, Оңтүстік Корея, Жаңа Зеландия, АҚШ және Қазақстан шорт-трек шеберлері бақ сынаған.
Ордабасы
Актобе
Кайрат
Кайсар
Тобол
Елимай
Атырау
Жетысу
Астана
Кызылжар
Туран
Женис
Шахтёр
-
