Ермаштың Бразилиядағы оқиғасы: 20 минут картинасыз тікелей эфир жүргізіп, Ұлттық арнаны "құтқарды"
Сәпиевке қатысты сот қаулы шығарды
Қазақстандық танымал боксшы Серік Сәпиев Спорт істері жөніндегі комитетінің бұрынғы төрағасы Самат Ерғалиевтің ісі бойынша өткен қылмыстық процеске келмеген. Сот оны мәжбүрлі түрде жеткізуді тапсырды.
«Сәпиевке қатысты сот ҚР ҚІЖК-нің 157-бабына сәйкес оны мәжбүрлеп жеткізу туралы қаулы шығарады. Оған екі рет хабарланды, сондықтан ол сотқа келмеді деп қорытынды шығаруға толық негіз бар. Оның келмеу себептері, оның келмеуіне кедергі келтіретін мән-жайлар сотқа түсіндірілмеген. Сәпиевке қатысты оны мәжбүрлеп әкелу туралы қаулы шығарылсын», - деді Астана қаласының қылмыстық істер жөніндегі ауданаралық сотының судьясы.
Айта кетейік, Самат Ерғалиев Қазақстан Республикасы Қылмыстық кодексінің 361-бабының 3-бөлігі бойынша қызмет бабын асыра пайдаланды, атап айтқанда, Әлішер Аймұхамбетовты жаттықтырушы қызметіне қабылдау кезінде заң бұзушылық жасады және Аймұхамбетовке 111 миллион теңгеден көп мөлшерде заңсыз пайда көруге ықпал етті деп айыпталуда.
Ал Ерғалиевтің адвокаты сотталушының Айтмұхамбетовті жұмысқа қабылдау кезінде құжаттарын тексермегенін мойындап отырғанын алға тартты. Дегенмен төлемақыға еш әсер ете алмағанын, себебі ол аталмыш төлемдер жөніндегі құжаттарға қол қоймағанын және ондай өкілеттігі болмағанын қоса кетті.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
