Нұрдәулет Айдархан Кишиневте ересектер арасында 7 дүркін, жастар арасындағы нәтижесін қосқанда 12 дүркін әлем чемпионы атанды
Армрестлингтен Молдовада өткен әлем чемпионатында Қазақстан 82 алтын медальға қол жеткізді.
15-25 тамыз аралығында Кишиневте армрестлингтен 45-ші әлем чемпионатында отандық білектілер құрамасы өздерін биіктен көрсетті.
Биылғы аталған біріншілікке 61 мемлекеттен 1500-ге жуық спортшы қатысты. Бұл қатарда жасөспірімдер, жастар, ересектер, ардагерлер және пара атлеттер де бар.
Еліміздің 150 спортшысы 82 алтын, 92 күміс, 82 қола жүлдемен (барлығы 256) жалпы есепте 1-орын алды. Екінші орынға Түркия, үшінші орынға Грузия құрамалары тұрақтады.
Отандасымыз Нұрдәулет Айдархан Кишиневте ересектер арасында 7 дүркін (оң қолда алтын, сол қолда күміс), жастар арасындағы нәтижесін қосқанда 12 дүркін әлем чемпионы атанды.
Сонымен қатар, Молдовада Мейрамбек Ерсайын 7 дүркін, Ердәулет Нұрмахан 5 дүркін әлем чемпионы атағына қол жеткізді.
Еске сала кетейік, былтыр армрестлингтен әлем чемпионаты Алматы қаласында өткен. 52 елдің 1000-нан астам спортшысы бас қосқан бәсекеде Ұлттық құраманың 256 өкілі жүлдеге таласқан. Ол кезде Қазақстан командасы 72 алтын, 57 күміс, 27 қола медальмен жалпы есепте топ жарған.
Кайрат
Актобе
Елимай
Ордабасы
Кайсар
Астана
Тобол
Атырау
Кызылжар
Жетысу
Туран
Женис
Шахтёр
-
