Жаңажылдық шығарылым! Ерсін Ерік, Ермұхамед Мәулен, Олжас Байбосын, Уәлихан Қосанбай, Эльдар Аманбаев
Алматы қалалық спорт басқармасына үміткерлерді іріктеу отырысы өтті
Алматы қалалық спорт басқармасының басшылығына үміткерлерді іріктеу бойынша комиссия отырысы өтті. Үміткерлер арасында грек-рим күресінен Бейжің Олимпиадасының күміс жүлдегері Нұрбақыт Теңізбаев та бар.
Комиссия отырысында Алматы қаласы әкімі аппараты басшысының орынбасары Дархан Нұрханұлы, Алматы қаласы cпорт басқармасы басшысының орынбасары Бекжан Онжан Нұрланұлы және Бейжің Олимпиадасының жүлдегері, Алматы облысы Кеген ауданының әкімі Нұрбақыт Теңізбаевтың кандидатуралары жан-жақты талқыланды.
«Комиссия мүшелері әр кандидаттың спорт саласындағы тәжірибесін, өңір спортының даму перспективаларына қатысты көзқарасын және спорт менеджменті саласындағы біліктілігін бағалады. Кандидаттарды жергілікті атқарушы орган ұсынады, ал тағайындау тек Туризм және спорт министрлігі жанынан құрылған комиссияның оң қорытындысын алған жағдайда жүзеге асырылады», - делінген министрлік хабарламасында.
Нұрбақыт Молдахметұлы 1983 жылы 10 сәуірде Алматы облысы, Панфилов ауданы, Үшарал ауылында туған. Грек-рим күресінен бірнеше дүркін Азия чемпионатының жүлдегері. 2008 жылғы Бейжің олимпиадасының вице-чемпионы, 2009 жылғы әлем чемпионатының қола жүлдегері.
Теңізбаев қазіргі таңда Алматы облысы Кеген ауданының әкімі қызметін атқарады.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
