Чемпиондар лигасы: «Фейноорд» сенсация жасайды. «Аталантаға» қиын. «Бавариядан» көп гол күтпейміз
Қазақстан құрамасы 1 алтын, 5 күміс және 3 қола медальмен жалпыкомандалық есепте төртінші орында келеді
Қытайдың Харбин қаласында қысқы Азия ойындары жалғасып жатыр. Бүгінгі жарыс күнін қазақстандық спортшылар нәтижелі бастады. Алдымен фристайл-акробатикадан күміс медаль, артынша шаңғы жарысынан қола жүлде қоржынға түсті.
Алғашқылардың бірі болып жарыс жолына шыққан Қазақстанның фристайлшылары алтынға бір қадам жетпей қалды. Фристайл-акробатикадан аралас командалар арасындағы сайыста Аяна Жолдас, Шерзод Хаширбаев және Асылхан Асан 235,39 ұпай жинап, тек Қытай құрамасына ғана жол берді. Үшінші орында – Жапония командасы.
Ал, 10 шақырымдық шаңғы жарысында Олжас Климин мәре сызығын үшінші болып кесті және Азиаданың қола жүлдегері атанды.
Осылайша, Қазақстан құрамасы 1 алтын, 5 күміс және 3 қола медальмен жалпыкомандалық есепте төртінші орында келеді.
