Олар бірнеше күн бұрын қысқы Азия ойындарында чемпион атанған болатын
Миланда (Италия) өтіп жатқан Әлемдік турда шорт-тректен Қазақстан командасы қола жүлде жеңіп алды. 5000 метрге конькимен жүгірген біздің команда басты қарсыластарының сәтсіздігін ұтымды пайдаланып, мәрені үшінші болып кесті.
Жерлестеріміздің жолы болды десек, қателеспейміз. Өйткені Қытай құрамасының конькишілері құлап, Оңтүстік Корея спортшылары дисквалификация алды.
Ал, бірінші орынды Италия жеңіп алса, Канада атлеттері күміс медальды қанағат тұтты.
Қазақстан сапынан Әділ Галиахметов, Глеб Ивченко, Денис Никиша және Мерсаид Жақсыбаев өнер көрсетті. Олар осыдан бірнеше күн бұрын ғана Харбинде (Қытай) өткен қысқы Азия ойындарында дәл осы қашықтықта чемпион атанған болатын.
