Боксшы Астанадағы Халыққа қызмет көрсету орталығын аралап көрді
Ұлттық Олимпиада комитетінің президенті Геннадий Головкин Астанадағы Халыққа қызмет көрсету орталығына барып, төлқұжат ауыстырды.
Бұл туралы «Азаматтарға арналған үкімет» мемлекеттік корпорациясының баспасөз қызметі мәлім етті.
«Аты аңызға айналған Геннадий Головкин елордадағы халыққа қызмет көрсету орталығында болды. Ол төлқұжатын ауыстыру үшін алдын ала онлайн жазылды. Чемпионды Мемлекеттік корпорацияның басқарма төрағасы Арман Кенжеғалиевтің өзі қарсы алды», – делінген хабарламада.
