Туризм және спорт министрі пікір білдірді
Алматыда өткен жартылай марафон барысында қайтыс болған екі адамнан оқиғасынан кейін елімізде бұқаралық спортты ұйымдастыру жүйесіне қатысты жаңа талаптар енгізілетіні белгілі болды.
Туризм және спорт министрі Ербол Мырзабосынов аталған жайтқа қатысты пікір білдіріп, әлеуметтік желідегі парақшасында жазба жариялады.
«Алматыдағы жартылай марафон кезінде екі қатысушының қаза табуы — бұл ерекше назар мен шешімді әрекетті қажет ететін қайғылы жағдай. Бұқаралық спорт — бұл халық денсаулығының негізі. Бірақ оның қауіпсіздігі мен ұйымдастыру сапасы бірінші орында болуы керек. Туризм және спорт министрлігі нақты ұсыныстар дайындап, жауапты мекемелерге жолдайды», - деді Мырзабосынов.
Қазіргі уақытта аталған қайғылы оқиғаға қатысты тексеру жалғасып жатыр. Алдағы уақытта мұндай бұқаралық жарыстарды ұйымдастыру ережелеріне қатаң талаптар енгізілмек.
