Бүкіл елді шулатқан Шерзат ісіне қатысты үкім шықты

Талдықорғанда 16 жастағы Шерзат Полаттың өліміне қатысты соттың соңғы үкімі жарияланды. 

Сот үкімімен:

• Абзал Шынасыл – ҚР ҚК 293-бабы 3-бөлігі (бұзақылық) бойынша – 7 жыл, 99-баптың 2-бөлігі (адам өлтіру) бойынша – 20 жыл, 24-баптың 3-бөлігі (қылмысқа дайындалу және қылмыс жасауға оқталу) бойынша – 15 жыл. ҚР ҚК 58-бабы (қылмыстар жиынтығы бойынша жаза тағайындау) негізінде – түпкілікті 23 жыл бас бостандығынан айырылды. 

• Равиль Сакиев – 293-бап 3-бөлігі бойынша – 7 жыл, 99-баптың 2-бөлігі және 24-баптың 3-бөлігі бойынша (адам өлтіруге оқталу) – 15 жыл. Қылмыстар жиынтығы бойынша – 20 жыл бас бостандығынан айырылды. 

• Дархан Әскентай – 293-баптың 3-бөлігі бойынша – 7 жыл бас бостандығынан айырылды. 

• Шыңғыс Белғожаев – 293-баптың 3-бөлігі бойынша – 7 жыл бас бостандығынан айырылды. 

• Нұрбол Тоқтаубаев – 293-баптың 3-бөлігі бойынша – 7 жыл бас бостандығынан айырылды. 

• Азамат Тоқтаубаев – 293-баптың 3-бөлігі бойынша – 7 жыл, 188-бап (ұрлық) бойынша – 3 жыл. ҚР ҚК 58-бабы 3-бөлігі бойынша – 9 жыл, 2024 жылғы 17 қазандағы Талғар аудандық сотының үкімімен тағайындалған жаза ескеріліп, ҚР ҚК 58-бабы 6-бөлігі негізінде – түпкілікті 15 жыл бас бостандығынан айырылды. 

• Нұрқияс Ілиясов – 293-баптың 3-бөлігі бойынша – 7 жыл. Бұған дейін 2024 жылғы 4 сәуірде Талғар аудандық сотының шешімімен тағайындалған жаза да есепке алынып, жиынтық түрде – 9 жыл бас бостандығынан айырылды. 

• Дидар Қалиахмет – 293-баптың 3-бөлігі бойынша – 7 жыл бас бостандығынан айырылды.

• Думан Ысқақ (кәмелетке толмаған) – 434-бап (ауыр қылмыс туралы хабарламау) бойынша – 1 жыл 6 айға бас бостандығынан айырылды. Жазасын орташа қауіпсіздік мекемесіндегі кәмелетке толмағандарға арналған мекемеде өтейді.

Оған қоса Абзал Шынасыл әр жәбірленушіге 20 миллион теңгеден өтемақы төлеуге міндеттелді. Равиль Сакиев – 15 миллион теңге көлемінде. Шыңғыс Бельғожаев, Дархан Аскентай, Нұркияс Ілиясов, Азамат және Нұрбол Тоқтаубаевтар, сондай-ақ Дидар Қалиахмет – әрқайсысы 10 миллион теңгеден өтемақы төлейді. Барлық сотталушылар үшін 2024 жылғы 4 қазаннан бастап тергеу изоляторында өткізген уақыт 1,5 күн ретінде есептелетін болды.