Жанкүйерлер Жансаядан «болашақта бапкер болуыңыз мүмкін бе?» деп сұрады
Қазақстандық танымал шахматшы, халықаралық гроссмейстер Жансая Әбдімәлік Instagram желісіндегі оқырмандарының сұрақтарына жауап берді.
Жанкүйерлер Жансаядан «болашақта бапкер болуыңыз мүмкін бе?» деп сұрады. Шахматшы мұндай ойы барын, дегенмен қазір еместігін алға тартты.
«Өзімді Қазақстан құрамасының бапкері ретінде сынап көруге қуана келісер едім. Менің қатаң мінезім мен мәселеге «жеңіл қарай алатыным» құрамамен жұмыс істеуге қолайлы болар еді деп ойлаймын», - деді Жансая.
Ал қазіргі таңда Қазақстандағы ең мықты шахматшы туралы сауалға ол:
«Нақты айту қиын. Бірақ мен кеткеннен кейін барлығы сәл босаңсып кеткендей әсер қалдырды. Қазір ойыншыларда тұрақсыздық пен ретсіздік байқалады», - деп жауап берді.
Сонымен қатар оқырманның бірі Бибісара Асаубаеваның қазақ тілінде сөйлеуден бас тартқаны үшін сынға ұшырағанына қатысты көзқарасын да сұрады.
«Меніңше, одан да маңызды мәселелер бар. Бұл жайт мені неліктен қызықтыруы керек? Бұл – өзінің таңдауы, сондықтан өзі шешсін», - деп қысқа қайырды Жансая.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
