Алматыда Қазақстандағы алғашқы әйелдер киберспорт лигасы – Female Pro League таныстырылды

FPL – ойын тәжірибесін жетілдіруге, жеңіске жетуге, әлемдік рейтинг жинауға және жүлделі орындар алуға ұмтылған қыздар үшін қауіпсіз әрі бәсекелестік орта ретінде құрылуда.

FPL алғашқы турнирін Counter-Strike 2 дисциплинасы бойынша өткізеді. Жүлде қоры – 2 500 000 теңге. Іріктеу ойындары мен финалдың нақты күндері кейінірек хабарланады. Гранд-финал Алматы қаласында офлайн форматта өтетіні белгілі болды. Сонымен қатар, FPL жыл соңына дейін жүлде қоры ұлғайтылған екінші турнирді де өткізуді жоспарлап отыр. Лиганың жаңалықтарын @femaleproleague Telegram арнасынан қадағалай аласыздар.

Турнир әлемнің барлық елінен қатысушылар үшін ашық және аймақта инклюзивті әрі тең құқықты киберспорттың дамуына жол ашады.

FPL амбассадоры ретінде Қазақстан киберспортында танымал тұлғалардың бірі – Айгера Дунамис таңдалды.

«Ұйымдастырушылармен ортақ пікірге келдік: әйелдер лигасы – бұл бөліну емес, керісінше қолжетімділік туралы. Өз тәжірибемнен білемін, бұл салада қыздарға деген қарым-қатынас көбінесе байыпты емес. Қазақстаннан осы стереотипті өзгертетін бастаманың басталғанына мақтанамын», – деді Айгера.

FPL-дің құрылуына бастамашы және серіктес ретінде Қазақстан спорттық болжамдар нарығының көшбасшысы және елдегі спорт индустриясының №1 инвесторы Olimpbet компаниясы қолдау көрсетуде. Бұған дейін компания MySkill Pro League атты басқа қазақстандық киберспорт лигасымен де серіктестік орнатқан болатын.

Olimpbet маркетинг директоры Геннадий Шемраев лиганың құрылу тарихымен бөлісті:

«Командада қыздарға арналған жеке жоба ашу туралы мәселе бұрыннан талқыланып келген. Бұрынғы баспасөз конференциямызда Айгера залдан тұрып: «Әйелдер киберспортымен не болып жатыр?» деген сұрақ қойды. Сол кезде нарықтың дайын екенін түсіндік. Айгера лигамыздың жай ғана бет-бейнесі емес, сонымен қатар оның тең авторына айналды. Olimpbet міндеті – Қазақстан мен басқа елдердегі киберспортшы қыздардың кәсіби дамуына және халықаралық аренада бәсекеге қабілетті болуына мүмкіндік беретін орта құру».

Тұсаукесерге халықаралық қауымдастық өкілдері – Team Spirit Female командасының құрамында әлемдік турнирлер финалдарында ойнаған қырғызстандық кәсіби киберспортшы Жамиля Алагөзова (Jammie) және киберспорт іс-шараларының продюсері Клифф Келли қатысты. Олар бастаманың маңыздылығын атап өтіп, өз тәжірибелерімен бөлісті және кәсіби геймингтегі әйелдердің рөлі туралы баяндады.