Бұл матч 59 минутқа ғана созылды.
Қазақстандық теннисшілер Александр Бублик пен Александр Шевченко Australian Open-2026 турнирінің жұптық сынында алғашқы айналымнан аса алмады.
1/32 финал кезеңінде қазақстандық дуэт бразилиялық Марсело Демолинер мен нидерландтық Жан-Жюльен Ройермен кездесіп, 6:3, 6:2 есебімен жеңіліс тапты. Кездесу 59 минутқа созылды.
Матч барысында Бублик пен Шевченко екі эйс жасап, екі рет қос қателікке жол берді және екі брейк-пойнттың бірде-бірін пайдалана алмады. Ал қарсыластар төрт мәрте эйс жасап, дәл сондай қос қателік жібергенімен, төрт брейк-пойнттың үшеуін сәтті іске асырды.
Айта кетейік, Александр Бублик пен Александр Шевченко – жекелей сында Қазақстанның бірінші және екінші ракеткалары. Қазіргі таңда Бублик ATP рейтингінде 10-орында, ал Шевченко 97-сатыда тұр. Дегенмен олар жұптық сында әлемдік рейтингке енбеген.
Бұған дейін Australian Open-2026 турнирінің жұптық бәсекесінен тағы бір қазақстандық жұп – Андрей Голубев пен Александр Недовесов та шығып қалған еді. Олар аргентиналық Томас Мартин Этчеверри мен Камило Уго Карабельеге жол берді – 3:6, 4:6.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
