Рыбакина Дохада өтетін турнирге қатысады
Әлемдік рейтингте үшінші орында тұрған қазақстандық теннисші Елена Рыбакина Australian Open–2026 турниріндегі жеңісінен кейін денсаулығына байланысты қиындықтар болғанын мәлімдеді.
Қазіргі уақытта Рыбакина Катарға келіп, Дохада өтетін, жүлде қоры 4 миллион доллардан асатын ірі турнирге қатысуға дайындалып жатыр.
«Мұнда қайта оралғаныма қуаныштымын, матчтардың басталуын асыға күтіп жүрмін. Australian Open аяқталғанына көп уақыт өтпесе де, аздап демалуға мүмкіндік болды. Осы турнирде ойнап, жинаған қарқынымды сақтағым келеді. Жақсы нәтиже көрсетуге үміттімін», — деді теннисші Tennis Majors басылымына берген сұхбатында.
Айтуынша, елге қайтар жолда суық тиіп, бірнеше күн бойы толыққанды демалуға мәжбүр болған.
«Бірнеше күн ештеңе істемей, тынықтым. Жол сөмкелерін жинастырып жүргенде уақыттың қалай өткенін де байқамай қалыппын. Қазір осындамын (күледі). Алдағы матчтарға жақсы импульс бар деп ойлаймын» деп қосты Рыбакина.
Айта кетейік, Дохада өтетін WTA 1000 санатындағы турнирде қазақстандық теннисші алғашқы айналымды өткізбей, бірден екінші кезеңнен бастайды. Ол Ван Синьюй (Қытай, WTA №33) мен Эмилиана Аранго (Колумбия, WTA №46) арасындағы матчтың жеңімпазымен кездеседі.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
