ҚПЛ 20-тур: Ордабасы көшбасшы болды. Ақтөбе қазақ бапкерлерге неге сенбейді? Қайрат ЛЧ-ге дайын
Соболенко биыл финалда екі рет Елена Рыбакинадан жеңілді
Беларусь теннисшісі Арина Соболенко 2026 жылғы маусымда төрт «Үлкен дулыға» турнирінің бірде-бірінде жеңіске жете алмады. Мұндай жағдай оның мансабында соңғы рет 2022 жылы болған.
Соболенко биыл екі рет финалға дейін жеткенімен, екі шешуші кездесуде де Елена Рыбакинадан жеңілді. Australian Open финалында қазақстандық теннисші 6:4, 4:6, 6:4 есебімен басым түссе, US Open додасының шешуші матчында 6:4, 5:7, 6:2 нәтижесімен жеңіске жетті.
Нью-Йорктегі жеңіліс Соболенко үшін ауыр болды. Ол US Open турнирінің екі дүркін қазіргі чемпионы ретінде қатарынан үшінші титулына таласқан еді. Алайда Рыбакина қарсыласының жарыстағы жеңісті сериясын тоқтатып, чемпиондық атақпен бірге әлемдік рейтингтің көшін де иеленді.
Соболенко маусымның қалған екі ірі жарысында финалға жете алмады. Ол «Ролан Гаррос» турнирінің ширек финалында Диана Шнайдерге есе жіберсе, Уимблдонның төртінші айналымында Наоми Осакадан жеңілді.
Беларусь спортшысы 2023 жылы Australian Open, 2024 жылы Australian Open мен US Open, ал 2025 жылы US Open чемпионы атанған. Осылайша, оның қатарынан үш маусым бойы кемінде бір «Үлкен дулыға» жүлдесін жеңіп алу сериясы аяқталды.
Ордабасы
Қайрат
Астана
Оқжетпес
Ақтөбе
Елімай
Жеңіс
Тобыл
Ұлытау
Каспий
Қызылжар
Атырау
Жетісу
Ертіс
Қайсар
Алтай
