Бірінші сетте есеп 5:0 болған кезде қарсыласы ойынды жалғастырудан бас тартты
Қазақстандық теннисші Елена Рыбакина Қытайдың Нинбо қаласында өтіп жатқан WTA 500 санатындағы турнирдің ширек финалына жолдама алды. Бұл жеңіс отандасымыз үшін биылғы маусымдағы 50-жеңіс болды.
Әлемнің үздік теннисшілерінің бірі екінші айналымда Өзбекстан өкілі Полина Кудерметовамен (әлемдік рейтингте 105-орын) кездесті. Бірінші сетте есеп 5:0 болған кезде қарсыласы ойынды жалғастырудан бас тартты. Осылайша, кездесу небәрі 33 минутқа созылды.
2026 жылғы маусымда Рыбакина үш турнирде чемпион атанды. Ол Australian Open және US Open жарыстарында жеңіске жетіп, «Үлкен дулыға» турнирлерінің екі бірдей титулын иеленді. Сонымен қатар Германияның Штутгарт қаласында өткен WTA 500 санатындағы жарыста топ жарды.
Енді қазақстандық теннисші Нинбодағы турнирдің ширек финалында польшалық Катажина Каваға (әлемдік рейтингте 128-орын) қарсы ойнайды. Рыбакина өткен жылы осы жарыста жеңіске жеткен болатын. Сондықтан биыл ол чемпиондық атағын қорғауды жалғастырып жатыр.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Каспий
Жеңіс
Қызылжар
Атырау
Ертіс
Жетісу
Алтай
Қайсар
