Қарсыластар арасындағы есеп – 2:2
Бүгін, 29 қазанда, қазақстандық теннисшілер Елена Рыбакина мен Юлия Путинцева Токиода (Жапония) өтіп жатқан WTA 500 санатындағы турнирдің екінші айналымында кездеседі.
Әлемдік рейтингте бірінші орында тұрған Рыбакина мен 67-сатыдағы Путинцеваның матчы Қазақстан уақытымен сағат 13:00-ге жоспарланған.
Турнирдің жалпы жүлде қоры – 1,2 миллион доллар. Былтыр жарыста швейцариялық Белинда Бенчич жеңіске жеткен еді. Алайда ол биылғы додаға қатыспайды және чемпиондық атағын қорғай алмайды.
Рыбакина мен Путинцева бұған дейін төрт рет кездесіп, екі жеңістен бөліскен.
Алғашқы екі матчта Путинцева басым түсті. Ол 2020 жылы Римде, 2021 жылы Индиан-Уэллсте жеңіске жетті.
Кейінгі екі кездесуде Рыбакина мықты болды. Ол 2024 жылы Мадридтегі турнирдің ширек финалында қарсыласын үш сетте ұтса, 2026 жылы Майами жарысында 6:3, 6:3 есебімен жеңді.
Осылайша, теннисшілердің өзара кездесулеріндегі жалпы есеп – 2:2. Жеңіп алған сеттер саны да тең – 5:5. Қатты төсеніште өткен матчтарда да спортшылар бір-бірден жеңіске жеткен.
Ордабасы
Қайрат
Астана
Оқжетпес
Ақтөбе
Елімай
Тобыл
Ұлытау
Жеңіс
Каспий
Қызылжар
Ертіс
Алтай
Атырау
Жетісу
Қайсар
