![Юлия Путинцева Индиан-Уэллс турнирін жеңіспен бастады](https://1bol.kz/cache/imagine/1200/uploads/news/2024/03/07/65e95bf2a995d350894461.jpeg)
Аталған жарысқа Елена Рыбакина да қатысып жатыр
Қазақстандық теннисші Юлия Путинцева АҚШ-та басталған Индиан-Уэллс турнирін жеңіспен бастады деп жазады Championat.com.
Жарыстың бірінші айналымында қазақстандық теннисші Германия өкілі Тамара Корпачпен кездесіп, 6:2, 6:3 есебімен жеңді.
Матч 1 сағат 15 минутқа созылды. Екі сетте Путинцева бір рет эйс жасап, мүмкін болған 8 брейк-пойнттың бесеуін жүзеге асырды.
Екінші айналымда жерлесіміз ресейлік Екатерина Александровамен кортқа шығады. Жарыстың өзі 17 наурызда мәреге жетеді. Жүлде қоры – 8,9 млн доллар.