WTA қорытынды турнирінің финалында ресейлік пен украиналық теннисші кездеседі
Ресейлік Мирра Андреева мен украиналық Элина Свитолина WTA қорытынды турнирінің финалында чемпиондық атақты сарапқа салады. Биылғы жарыс АҚШ-тың Индиан-Уэллс қаласында өтіп жатыр.
Жартылай финалда Андреева америкалық Джессика Пегуланы 6:3, 6:4 есебімен жеңсе, Свитолина чехиялық Линда Носковадан 6:2, 6:1 есебімен басым түсті.
Бір қызығы, екі теннисші де турнирдің топтық кезеңінде бір топта өнер көрсеткен. Өзара кездесуде ресейлік спортшы 6:4, 6:0 есебімен жеңіске жеткен еді. Андреева жарыс барысында әлі бірде-бір матчта жеңілген жоқ.
Ал Свитолина топтық кезеңде чехиялық Каролина Муховадан 3:6, 6:2, 6:2 есебімен басым түсіп, әлемнің екінші ракеткасы саналатын беларусьтік Арина Соболенконы күтпеген жерден жарыс жолынан шығарды. Бұл кездесуде украиналық теннисші 6:3, 3:6, 6:1 есебімен жеңіске жетті.
Финал нәтижесіне қарамастан, 19 жастағы Мирра Андреева әлемдік рейтингте екінші орынға көтеріледі. Осылайша, Арина Соболенко үшінші сатыға сырғиды. Айта кетейік, Андреева биыл «Ролан Гаррос» турнирінде де топ жарған.
Ал жарыстың қазіргі чемпионы, әлемнің бірінші ракеткасы қазақстандық Елена Рыбакина сырқатына байланысты турнирден бас тартты.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Қызылжар
Каспий
Ертіс
Атырау
Алтай
Жетісу
Қайсар
