Біздің Telegram-ға жазылсаң, ақша ұта аласың! Сыйақы 5000 теңге! 👉

Елена Рыбакина әлемнің бірінші ракеткасы Ига Швентекті жеңді

20.04.2024, 20:21

Ол аталған турнирдің финалына алғаш рет шығып отыр

Елена Рыбакина әлемнің бірінші ракеткасы Ига Швентекті жеңді
WTA

Германияның Штутгарт қаласында өтіп жатқан теннистен WTA 500 - Porsche Tennis Grand Prix турнирінде қазақстандық Елена Рыбакина жартылай финалда әлемнің бірінші ракеткасы Ига Швентекті жеңді.

Бірінші сетті поляк қызы сенімді бастап, 2:0 есебімен алға шыққан болатын. Алайда, Рыбакина қатарынан бес геймде жеңіске жетіп, есепті 5:2-ге дейін жеткізді. Бұл сет болса 6:3 есебімен қазақстандық теннисшінің пайдасына аяқталды.

Екінші сетте Швентек 6:4 есебімен жеңіске жетсе, шешуші үшінші кезеңде Рыбакинаның мерейі үстем болды, есеп 6:3. Матч 2 сағат 49 минутқа созылды.

Финалда жерлесіміз Марта Костюк (Украина) - Маркета Вондроушева (Чехия) жұбының қай жеңгенімен кортқа шығады.

Айта кетейік, Рыбакина Штутгарттағы дәстүрлі турнирдің финалына мансабында алғаш рет шығып отыр.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам