![Тимофей Скатов ATP 250 турнирінің негізгі кезеңіне жолдама алды](https://1bol.kz/cache/imagine/1200/uploads/news/2024/07/16/66960e95b9b7d411565294.jpg)
Бостад додасының жүлде қоры 651 865 еуроға бағаланған
Тимофей Скатов Швецияда өтіп жатқан ATP 250 турнирінің негізгі кезеңіне өтті.
Қазақстандық теннисші іріктеу сайыстарының финалында әлемнің 153-ракеткасы, италиялық Андреа Пеллегринодан басым түсті.
Скатов қарсыласын 6:4, 6:1 есебімен тізе бүктірді.
Тағы бір қазақстандық Денис Евсеев іріктеу сайыстарының финалында франциялық Мануэл Гинармен ойнайды.
15-21 шілде аралығында өтетін Бостад додасының жүлде қоры 651 865 еуроға бағаланған. Жарыс жеңімпазы 88 125 еуроға қоса 250 рейтингілік ұпайға ие болады.