Қазақстан құрамасы 2:0 есебімен алға шықты
Астанада өтіп жатқан Билли Джин Кинг кубогының плей-офф матчында Қазақстан – Корея матчында есеп 2:0-ге жетті.
Зарина Диастан кейін кортқа шыққан Қазақстанның бірінші ракеткасы Елена Рыбакина Сон Хен Пакты оңай жеңді.
Рыбакина екі сетте де 6:2, 6:2 есебімен басым түсті. Ойын бір сағат 9 минутт аяқталды.
Осылайша, Қазақстан құрамасы 2:0 есебімен алға шықты.
Қазақстан – Корея матчы ертең жалғасады. Елена Да Ен Бакпен, Зарина Сон Хен Пакпен ойнайды.
Ал жұптық матчта Анна Данилина/Жібек Құламбаева кореялық Ку Ен Ву/Дабин Киммен кездеседі.
Айта кетейік, Елена Рыбакина Париж Олимпиадасында денсаулығына байланысты Қазақстан намысын қорғаудан бас тартқан еді. Содан кейін алғаш рет ұлттық құрама сапында ойнап жатыр.
