Турнирдің жүлде қоры – 9 миллион долларға жуық
Қазақстандық теннисші қыздар Елена Рыбакина (№7) мен Юлия Путинцева (№20) Индиан Уэллстегі (АҚШ) WTA 1000 турниріне қатысады. Бүгін олардың қарсыластары белгілі болды.
Рыбакина жарысты екінші айналымнан бастады. Оның қарсыласы – нидерландтық Сюзан Ламенс (№64). Ол бірінші айналымда чех Мари Боузковадан (№50) 3:6, 6:3, 6:3 есебімен басым түсті.
Рыбакина мен Ламенстің ойыны 9 наурызға жоспарланған.
Юлия Путинцева да жарысты екінші айналымнан бастайды. Ол чехиялық Катержина Синяковамен (№59) өзара кім мықтыны анықтайды. Синякова бірінші айналымда аргентиналық Мария Карлені 6:2, 6:1 есебімен ойсырата жееңген болатын.
Путинцева – Синякова кездесуі 9 наурызда өтеді.
Айта кетейік, турнирдің жүлде қоры – 9 миллион долларға жуық. Жеңімпазға рейтингтік 1000 ұпай беріледі.
